MAGUFULI APONGEZWA KILA KONA

 

Mwenyekiti wa shirikisho la elimu ya juu taifa(MNEC) Zainabu Abdalah Issa kushoto Mkamu mwenyekiti Hamid Saleh Mhina.

Na Frank Monyo

Shirikisho  la Wanafunzi wa Vyuo ya Elimu ya        Juu Tanzania Chama cha Mapinduzi , wamewapongeza wajumbe wa vikao vya maamuzi ndani ya chama kwa kutenda haki na kumteua mgombea safi, muadilifu, mchapa kazi na mzalendo kwenye chama hicho Dk. John Magufuli.

Hayo yalisemwa jijini Dar es Salaam jana na Mwenyekiti wa Shirikisho Taifa Zainabu Issa wakati wa kusoma tamko la Shirikisho hilo la kuwaunga mkono  wajumbe wa mkutano mkuu huo.

Zainabu alisema wanachukua fursa hiyo kuwapongeza Dk. Magufuli pamoja na mgombea mweza Samia Suluhu Hassani kwa kuteuliwa kuwa wapeperusha bendera ya CCM 2015 na Dk.Ali Mohammed Shein kupeperusha bendera ya urais kwenye serikali ya Mapinduzi ya Zanzibar.

"Tunawapongeza wajumbe wote kwa kutenda haki na kumteua mgombea safi, muadilifu mchapakazi, mzalendo ambaye hakuwa na kundi na ambaye hana kundi hadi sasa tunaamini atadumisha umoja na mshikamano ndani na nje ya chama chetu,"alisema

Alisema watanzania wana mategemeo makubwa kwao kwa fursa waliyoipata.

"Kwa uteuzi huu tunapenda kukipongeza chama chetu chini ya uongozi wa Rais Jakaya Kikwete kwa mara ya kwanza katika historia kwa kuwaamini na kuwapa fursa wanawake na kuwapa nafasi za juu za uongozi wa nchi,"alisema na kuongeza

"Napenda kuwakumbusha wanachama wenzetu waliojitokeza kuomba ridhaa ya uteuzi wa chama chetu kuwa mgombea aliyepatikana ni kwa mujibu wa taratibu na kanuni za uteuzi za chama chetu na si vinginevyo,"