DK MASABURI AAHIDI KUWAPELEKA WANA UBUNGO KATIKA UCHUMI WA KATI

MEYA wa jiji la Dar es Salaam, Dk. Didas Masaburi ametangaza nia ya kugombea  ubunge katika jimbo la Ubungo kupitia tiketi ya chama cha Mapinduzi (CCM) akiahidi kuwafikisha wananchi wajimbo hilo katika uchumi wa kati.

Amesema hayo jana jijini Dar es salaam wakati akizungumza na wanafunzi waliopo katika vyuo vya  elimu ya juu  ambao vyuo vyao viko katika jimbo hilo pamoja na  baadhi ya wananchi.

“Nimekuwa kiongozi  katika maeneo mbalimbali…viongozi waliotangulia wamefanya kazi kubwa katika kuweka misingi imara na sera mbalimbali za  kuwaondoa wananchi kutoka eneo  moja hadi lingine,” alisema Dk. Masaburi.

Alisema pindi akichaguliwa kuwa mbunge wa jimbo hilo anawahakikshia wakazi wa Ubungo kuwa atafanya kazi za kibunge kikamilifu akiwataka kufahamu kuwa  yeye ni kitu chenye thamani na hatowaaangusha katika majumuku yake. 

Alisisitiza wananchi ni lazima kuchagua kiongozi ambaye anaweza kuwaondoa kutoka hatua waliyomo na kuwafiisha nyingine ambayo itaendelea kuwasaidia kuwaletea maendeleo  kiuchumi na hata kijamii pia .