KAMPENI ZA UDIWANI NDANI YA CCM KATA YA MAGOMENI ZAANZA

Katibuu Mwenezi wa CCM Kata ya Msasani, Bw. Andrew Mangole (kulia) akiwaomba wana CCM kuachana na makundi na baadala yake wakijenge chama katika misingi imara na kuibuka na ushindi hapo baadae katika uchaguzi Mkuu. (Picha zote na Andrew Chale, modewjiblog).

Na Andrew Chale, modewjiblog

(Magomeni-Kinondoni) Kampeni za kura za maoni kwa wagombea Udiwani ndani ya Cha Cha Mapinduzi (CCM) zimepamba moto ambapo kila mgombea amejitokeza na kujinadi mbele ya wanachama ili achaguliwe kukiwakilisha chama hicho katika uchaguzi mkuu hiyo Oktoba mwaka huu.

Kata ya Magomeni kwa nafasi ya Udiwani ndani ya CCM inawaniwa na Makada wane akiwemo aliyekuwa Diwani wa Kata ya Magomeni ambaye anatetea kiti chake, Dk. Julian Bujugo. Wengine wanaowania katika uchaguzi huo ni pamoja na Nurdin Butembo, Gardiner Dibibi na Sadique Bwanga.

Awali wagombea hao walianza upande wa Magomeni Makuti ndani ya Kata hiyo ya Magomeni kwa kujinadi kwa Wanachama wa CCM na kisha kuhamia upande wa Magomeni Mapipa ndani ya Ofisi za CCM Kata.

Kwa upande wake mgeni mwalikwa ambaye ni Katibuu Mwenezi wa CCM Kata ya Msasani, Bw. Andrew Mangole aliwaomba wagombea wote wanne kuzingatia maadili ya chama na wagombea kujinadi bila kukashifiana ilikukijenga chama

“Tufanye kampeni kistaarabu. Wagombea wote wazuri na munasifa ndani ya chama ila hapo Agosti Mosi kura zitakazopigwa anatakiwa mmoja tu ashinde na wengine mutakuwa bora zaidi ila kura hazitowatosha ila kwa watakao kuwa kura hazijatosha muendelee kuungana na chama kuleta ushindi wa kishindo” alieleza Katibu Mwenezi huyo Mangole.

Kwa upande wake, Mwenyekiti wa CCM Kata Magomeni, Shaweji aliimiza umoja na ushirikiano kwa wana CCM wote kuakikisha wanaleta ushindi ndani ya chama na nje ya Chama kwa Kata hiyo kuwa chini ya CCM kuendeleza maendeleo ya Kata hiyo.

Naye Mwenyekiti wa Wazazi Kata ya Magomeni CCM, Sadique Kudulo alieleza kuwa CCM ni chama tawala hivyo kitaendelea kuongoza dola kwa misingi thabiti huku akiwataka wana CCM kutofanya makosa kwa kuchagua mgombea atakaye kiuza chama na kisha kuibuka kidedea katika uchagui hapo baadae.

Aidha, wagombea wote wameweza kujielezea kwa wana CCM kwa kujinadi na kisha kuomba kupigiwa kura hiyo tarehe 1.8.2015. ambapo katika uchaguzi huo wa ndani anatakiwa mgombea mmoja tu apaatikane na kisha jina lake kupelekwa ngazi ya juu ya chama na kisha kurejeshwa baada ya kujadiliwa kwa kina ili kusimamishwa kugombea katika uchaguzi hiyo Oktoba.

Mwenyekiti wa CCM Kata ya Magomeni, Shaweji akisisitiza jambo katika mkutano huo wa kampeni za udiwani ndani ya CCM

Katibuu Mwenezi wa CCM Kata ya Msasani, Bw. Andrew Mangole akitoa akitoa nasaha zake kwa wana CCM (Hawapo pichani).

Aliyekuwa Diwani wa Kata ya Magomeni ambaye anatetea kiti chake katika Kata hiyo, Dk. Julian Bujugo akijinadi kwa wana CCM leo Julai 28.2015 Katika ofisi za CCM Kata.

PICHA ya Juu na chini: Mgombea wa nafasi ya Udiwani kupitia CCM ndani ya Chama hicho, Kijana Sadique Bwanga akiomba kura kwa wana CCM waliojitokeza katika kampeni hizo za ndani zilizofanyika leo Julai 28.2015 katika ofisi za CCM Kata.

..Naombeni kura zenu mimi mtoto wenu wazazi wangu!!

PICHA ya Juu na chini: Mgombea wa nafasi ya Udiwani kupitia CCM ndani ya Chama hicho, Kijana Gardner Dibibi akiomba kura kwa wana CCM waliojitokeza katika kampeni hizo za ndani zilizofanyika leo Julai 28.2015 katika ofisi za CCM Kata.

…naomba kura yenu.

PICHA ya Juu na chini: Mgombea wa nafasi ya Udiwani kupitia CCM ndani ya Chama hicho, Bw. Nurdin Butembo akiomba kura kwa wana CCM waliojitokeza katika kampeni hizo za ndani zilizofanyika leo Julai 28.2015 katika ofisi za CCM Kata.

….Napiga magoti naombeni kura zenu.!

Mwenyekiti wa Jumuiya ya Wazazi CCM, Sadique akitoa sisitiza wana CCM kuwa kitu kimoja pamojana kuepuka kampeni za matusi ilikukijenga chama .. wakati wa tukio hilo la kampeni za ndani..